Manylion y penderfyniad

Cyflwynodd y Rheolwr Gwasanaethau Democrataidd adroddiad (eitem rhif 8 ar y rhaglen)er mwyn ystyried Adroddiad Blynyddol Drafft IRPW ar gyfer 2025-26 ar gyfraddau talu aelodau etholedig a chyfetholedig awdurdodau lleol Cymru ar gyfer y flwyddyn ganlynol.   Estynnwyd gwahoddiad i Aelodau ymateb i’r ymgynghoriad ar yr Adroddiad Blynyddol Drafft, a gofyn cwestiynau a oedd yn gysylltiedig â’r adroddiad.

Yn amodol ar wallau teipio ym mharagraff 1.05 a’r rhestr termau yn yr adroddiad eglurhaol, cefnogwyd yr argymhellion.

PENDERFYNWYD:

(a)       Bod sylwadau’r Pwyllgor ar y Penderfyniadau a wnaed gan Banel Annibynnol Cymru ar Gydnabyddiaeth Ariannol yn ei Adroddiad Blynyddol drafft ar gyfer 2025-2026 yn cael eu nodi; a

(b)       Bod awdurdod yn cael ei roi i Reolwr y Gwasanaethau Democrataidd ymateb ar ran y Cyngor, gan adlewyrchu'r penderfyniad a'r sylwadau a wnaed yn y cyfarfod, i Banel Annibynnol Cymru ar Gydnabyddiaeth Ariannol.