Manylion y penderfyniad

To approve the revised Winter Maintenance Policy which includes details of the Council’s response during other emergency or inclement weather events.

Cyflwynodd y Cynghorydd Thomas yr adroddiad Polisi Cynnal yn y Gaeaf a oedd yn ddiweddariad o'r Polisi Cynnal yn y Gaeaf presennol.  Roedd hefyd yn cadarnhau y gofynion deddfwriaethol i ddarparu gwasanaeth tebyg, dyraniad cyllidebol a gwir wariant y Cyngor wrth gydymffurfio â’r polisi presennol a darparu’r gwasanaeth yn ystod y 4 blynedd ddiwethaf.

            Ychwanegodd y Prif Swyddog (Gwasanaethau Stryd a Thrafnidiaeth) mai arfer da oedd adolygu’r Polisi yn rheolaidd a bod yr adroddiad yn amlinellu’r newidiadau a gynhwysir yn y fersiwn mwyaf diweddar o’r Polisi Cynnal yn y Gaeaf.  Hefyd, amlinellodd yr adroddiad ymateb y Sir i achosion eraill o dywydd gwael, fel llifogydd a gwyntoedd cryfion, a gofynnwyd am gymeradwyaeth i’r Polisi Dosbarthu Bagiau Tywod rhanbarthol a fyddai’n cael ei weithredu yn ystod cyfnodau o law trwm neu achosion eraill o lifogydd.

            Croesawodd y Cynghorydd Roberts y meini prawf ar gyfer cyfyngiadau traffig ar gyfer A548 Pont Sir y Fflint a gofynnodd pa arwyddion a fyddai’n cael eu defnyddio.  Esboniodd y Prif Swyddog (Gwasanaethau Stryd a Thrafnidiaeth) bod adolygiad yn cael ei gynnal o holl arwyddion Sir y Fflint ac y byddai adroddiad yn cael ei gyflwyno i Aelodau'r Cabinet faes o law.

            Roedd y Cynghorydd Shotton yn falch o nodi manylion y cerbydau graeanu newydd ar gyfer 2017/18 a oedd yn cynnwys meddalwedd Schmidt Autologic.  Byddai hyn yn cynorthwyo’r gyrwyr i weithredu gan sicrhau fod y swm cywir o halen yn cael ei wasgaru ar y rhwydwaith.  Roedd hefyd yn croesawu’r Polisi Dosbarthu Bagiau Tywod newydd. 

PENDERFYNWYD:

(a)       Cymeradwyo’r Polisi Cynnal yn y Gaeaf diwygiedig (2017-19) a’r gweithdrefnau a gynhwysir ar gyfer darparu'r gwasanaeth cynnal yn y gaeaf; a 

(b)       Cymeradwyo manylion ymateb y Sir i achosion o dywydd anffafriol a'r Polisi Dosbarthu Bagiau Tywod newydd.